Situata e dobët që po kalon Real Madrid këtë sezon duket se ka tronditur edhe pozitat e teknikut Zidane, ku flitet se Fiorentino Perez ka gjetur edhe zëvendësuesin e tij që o të jetë trajneri i Gjermanisë, Lew.
Por ish-trajneri të Kombëtares së Francës, Raymond Domenech, është i mendimit se Real Madrid është i gatshëm të largojë të gjithë lojtarët para se të shkarkojë nga posti i trajnerit Zidane.
“Mendoj se do të jetë ndryshe për Zidane krahasuar me trajnerët tjerë të Real Madridit. Ai ka qenë lojtar i madh me Real Madridin, e fitoi dy herë Ligën e Kampionëve. E fitoi La Ligën para Barcelonës. Do t’i duhet kohë e gjatë tifozëve për ta harruar. Lojtarët do të përjashtohen më parë se Zidane”, ka thënë Domenech.
Ish-mesfushori legjendar Zidane i ka fituar shtatë tituj si trajner me Real Madridin që prej se e mori drejtimin e skuadrës në janar të vitit 2016. Zidane e ka bërë Realin skuadrën e parë që i fiton dy tituj radhazi të Ligës së Kampionëve në formatin e saj aktual. Dhe Domenech beson se Zidane e ka vendin e sigurt në Real Madrid.
