Emri i Mauro Icardit ka qenë mjaft i përmendur në merkato dhe më shumë ka qenë i lidhur me gjigantët e Real Madrid. Ish-agjenti i kapitenit të Interit ka zbuluar disa detaje nga merkato e kaluar, ku shprehet se madrilenët kanë treguar shumë interes për argjentinasin, por ky i fundit i ka refuzuar dhe ka vendosur që të qëndrojë tek Interi.
Letterio Pino është shprehur se Reali mendonte se Benzema do të largohej dhe po punonin intensivisht për zëvendësimin e tij.
“Po, Real Madrid ka provuar ta transferojë Icardin. Në imagjinatën e tyre, ata mendonin se Benzema do të largohej dhe prandaj kërkonte një lojtar, dhe mes tyre ishte Icardi. Megjithatë, gjërat ishin shumë të vështira. Në fund të fundit, ka pasur një ngërç nga Icardi, pasi ai dëshironte të qëndronte te Interi”, tha Pino për Top Calcio 24.
