Real Madrid dhe Atletiko Madrid vihen përballë njëri-tjetrit, në 20:45. Derbi madrilen këtë herë përballet për fazën gjysmëfinale, hera e parë në histori që dy ekipet e Madridit takohen në këtë fazë, dhe e 4-ta radhazi në këtë kompeticion.
Përpara zbritjes në fushë, të dy ekipet vazhdonin me normalitet rutinën e tyre, Atletiko mbërriti në Madrid dhe është sistemuar në Santiago Bernabeo. Ekipi i Simeones ka marrë një urdhër nga UEFA, duke mos e lejuar të luajë me uniformën e tyre të preferuar kuq e bardhë; duhet të veshin uniformat e udhëtimit, të zezat.
Nuk dihen shkaqet e këtij vendimi nga UEFA, por Atletiko pranoi, në mënyrë që të mos largohej fokusimi nga ndeshja.
