Ministri i Brendshëm Fatmnir Xhafaj në profilin e tij Twitter ka reaguar menjëherë në lidhje me 613 kg kokainë të kapur mbrëmjen e djeshme në Portin e Durrësit. Në postimin e tij Xhafaj thotë se ky ishte një superaksion i Policisë së Shtetit bashkë me agjencitë e tjera ligjzbatuese.
“Një superaksion i Policisë së Shtetit në bashkëpunim me agjencitë e tjera ligjzbatuese vendase dhe të huaja.Goditje e fortë trafikut ndërkombëtar të drogës!Hetimi vazhdon!Forca e Ligjit, forca e shtetit po vepron. Pas pak detajet nga policia e shtetit në një konferencë për shtyp”, shkruan Xhafaj në Twitter.
Mbrëmjen e djeshme, në Portin e Durrësit u sekuestruan 613 kg kokainë në një kamion me banane të ardhur nga vendet e Amerikës Latine
