Autoriteti Kombëtar i Ushqimit (AKU) bllokoi 26 ton mish pule sepse kishte prezencë të salmonella spp, mish që vinte nga Brazili.
Sipas njoftimit, bëhet e ditur se mishi i pulave që i është nënshtruar analizave nga ISUV ka rezultuar se kjo ngarkesë e importuar nga Brazili ka prezencë të salmonella spp.
Sasia e ngarkesës me mish pule, vijon të qëndrojë e bllokuar në PIK Durrës, për proçedura të mëtejshme.
Mishi i pulës që vjen nga Brazili është i ndaluar edhe nga BE-ja. Ishte Italia ajo që zbuloi skandalin e këtij mishi dhe ndaloi që ai mish të futej në territorin e saj. Reagimi i Shqipërisë është shumë i vonë. Deri tani nuk dihet se sa mish pule me salmonella spp është në tregun tonë.
