Kryeministri Rama ka shkuar në Kryesinë e Kuvendit, ku po zhvillon një takim me Metën.
Krerët e koalicionit qeverisës u takuan edhe ditën e djeshme dhe biseduan rreth 1 orë e gjysëm.
Takimi vjen pak para fillimit të raundit të tretë për zgjedhjen e Presidentit, për të cilin edhe këtë radhë nuk ka emra.
Sot do të zhvillohet raundi i tretë për zgjedhjen e Presidentit, ndërsa PS nuk ka ende një emër për ta djegur edhe këtë mundësi që të zgjedhë një President me 84 vota.
Para dy ditësh, Gramoz Ruçi, në mbledhjen e grupit të PS-së, i njoftoi deputetët se edhe në raundin e tretë nuk do të ketë kandidat:
“Jemi në pritje të opozitës që të bëhet pjesë e procesit të zgjedhjes së Presidentit të Republikës. Kjo do të varet nga negociatat që do të bëhen me përfaqësuesit e Partive Popullore Europiane. Nëse nuk do të jetë pjesë e këtij procesi edhe opozita, ky raund do të digjet pa asnjë kandidat nga ana jonë.”
