Kryetari i grupit parlamentar për Partinë Socialiste, Taulant Balla ka reaguar duke iu përgjigjur liderit të opozitës përmes një statusi në Facebook.
Balla thotë se Basha do të kërkojë ndjesë për shpifjen me vendim gjykate. Ndërkohë më herët ka pasur replikat mes Ramës dhe Bashës, kryedemokrati tha se kryeministri sikur mbronte dikur Roshin, po mbron sot Ballën, ndërsa shtoi se vettingu në politikë do të pastrojë llumin.
“Sa herë flet Luli, kujtdo i kujtohet një shprehje e Adenauerit: “Duke qenë se Zoti i ka vënë kufinj inteligjencës së njeriut, është e padrejtë që nuk i ka kufizuar edhe budallallëkun”. Lulzim! Të garantoj që ti do të detyrohesh me vendim gjykate të kërkosh ndjesë për shpifje!”
