Me rastin e Pavarësisë, shqiptarët kanë kryer një veprim të ngjashëm me atë të Kacifas: ata kanë hequr flamurin grek dhe kanë vendosur atë kuqezi.
Ngjarja e cilësuar si provokim nga mediat greke, ka ndodhur sot në Thesprotia, në një monument historik ku aktivistë të “Aleancës Kuqezi” kanë hequr flamurin grek, duke e zëvendësuar me atë shqiptar.
“Ky është një sfidim dhe çdokush habitet se ç’bëjnë autoritetet greke teksa ekstremistët shqiptarë sillen në një shtet të huaj si të ishin në shtëpinë e tyre. Kjo është padyshim një përpjekje për të nxitur një klimë kundër Greqisë dhe për t’i dhënë zë Çamërisë , e cila pretendon për prona në fshatrat e prefekturës së Thesprotisë”, shkruan Tilestwra.
Kujtojmë se shumë media greke po mbajnë një standard të dyfishtë, teksa veprimin e Kacifas e cilësuan si heroizëm, ndërsa këtë ngjarje ata e konsiderojnë ‘provokim të hapur’.
