Ministri i Jashtëm grek, Nikos Dendias, i ka kërkuar Prokurorisë së Përgjithshme shqiptare përshpejtimin e zbardhjes së vrasjes së Kostandin Kacifas.
Në kërkesën e tij, Dendias ka theksuar kriterin e artikuluar edhe më herët nga ish-kryeministri Alexis Tsipras, si edhe nga pasuesi i tij, Kyriakos Mitsotakis, se Greqia do të përkrahë rrugën e integrimit të Shqipërisë, vetëm nëse respektohen të drejtat e minoritarëve.
Kacifas u vra më 28 tetor 2018, gjatë një shkëmbimi zjarresh me forcat RENEA. Ditën e varrimit, në Bularat, erdhën rreth 1500 nacionalistë grekë që e përcollën 35-vjeçarin drejt banesës së fundit, të veshur me rroba ushtarake. Vrasja e tij nga forcat RENEA shkaktoi shumë tensione mes dy vendeve fqinje. Kacifas u vra nga forcat RENEA, pasi qëllonte me armë në drejtim të tyre, dhe nuk iu përgjigj thirrjes për t’u vetëdorëzuar.
