Ish-oficeri Emiljano Nuhu në reagimet e tij të fundit është shprehur se ka qenë i kërcënuar nga anëtarë të fisit Rraja. Më tej Nuhu është shprehur se kërcënimet i ka adresuar në Polici duke bërë një denoncim në Komisariatin Nr.6 në Tiranë.
Më 30 korrik 2018, Emiljano Nuhu ka bërë denocnimin në komisariatin nr 6 në Tiranë ku kallëzon se është kërcënuar nga Redjan dhe Ramazan Rraja, nipër të deputetit të PS Rahman Raja.
Në procesverbalin që është marrë në orën 19:05 të kësaj date Emiljano Nuhu jep detaje në polici në lidhje me bisedën e bërë në lokalin ‘Richmond’ ku ndodhi takimi mes tyre.
Në procesverbal shkruhet: “Unë jam Emiljano Nuhu, specialist i hetimit të krimit në Fushë krujë. Në datë 27 korrik 2018 jam thirrur nga prokurori i çështjes Mirela Kapo ku më ka deleguar dosjen për hjetim.
Ajo mu drejtua: Po ta dërgoj ty këtë dosje se bëhet fjalë për shtetasin Rexhep Rraja i cili është djali i deputetit të Krujës, Rrahman Rraja”
Në procesverbal emri i vajzes eshte Xhensila Maloku
Cfarë ndodhi më 30 korrik?
Ora 11:00 Nuhu kontakton me shtetasen Xhensila Maloku.
Ora 12:00 Vajza është ripyetur në lidhje me procedimin penal në ngarkim të Rexhep Rrajës për veprën penale “përndjekje”
Mbasi mbaroi ripyetja për rreth 2 orë Xhisiela u la e lirë dhe u largua nga stacioni i policisë.
Komunikimi ne whats app
Ora 17:30 Nuhu lë komisariatin. Duke u kthyer nga puna në Whatsapp i vjen një mesazh:
-Jam Redjan Rraja. Ti ishe sot që more në pyetje Xhisiela Malokun?
Emiljano Nuhu: Po unë isha.
Redjan Rraja: Çfarë ke me ne që po krruan kurrizin?
Emiljano Nuhu: Nuk kam asgjë po bëj punën e shtetit
Redjan Rraja: Ku je të vij të të takoj pak nga afër
Takimi ne lokal me Rrajet dhe kercenimi
Më pas ne procesverbal tregon dhe bisedën e bërë në lokalin ‘Rich Mond’, ku ndodhi takimi mes tyre, ku ndër të tjera nipërit e deputetit i kanë thënë se në Fushë Krujë ligjin e bëjnë ata dhe jo ai.
“Më erdhën me makinë të zezë. Të tre u ulëm në tavolinë. Ata mu prezantuan si Redjan Rraja dhe Ramazan Rraja dhe se janë kushërinjtë e Rexhep Rrajës. Me një ton zëri të lartë dhe të revoltuar më thanë: “Çfarë problemi ke me ne? Për çfarë e ke thirrur sot Xhensilën dhe e ke pyetur për ne?
Emiljano Nuhu i përgjigjet: Unë kam marrë një dosje nga prokuroria në procedim penal që është regjistruar në ngarkim të kushëririt tuaj Rexhepit, dhe ndërkohë që po flisja ai më thotë: Nuk më rruhet k….. fare për ty që ke ardh nga Berati dhe do të bëssh ligjin në Fushë Krujë. Ne e shkrijmë të gjithë komisariatin dhe ty të s’të kemi asgjë. Do të të zhdukim ty bashkë me familjen, po thirre më njeri nga fisi jonë ta marrësh në pyetje.
Përsëri u mundova ti shpjegoja por ata më thanë: Do të zhdukim ty bashkë më familjen tënde për 24 orë nëse vazhdon merresh me ne dhe mos të të shohim më në Fushë Krujë. Ligjin në Fushë Krujë e bëjmë ne dhe jo ti.
Pjese nga procesverbali i cili mban firmen e Emiljano Nuhut dhe oficeres se policise Enida Hasanaj.
Disa ditë më parë oficeri i policisë Emiljano Nuhu, deklaroi gjithashtu se ishte kërcënuar në komisariatin e Policisë së Krujës për të mos hetuar djalin e deputetit, ndërsa atje kishte shkuar edhe kryetari i grupit parlamentar të Partisë Socialiste, Taulant Balla.
Balla e mohon.
