Ekspertët shprehen se rastet e shpeshta të zjarreve në vend kanë ndodhur për shkak të abuzimit nga subjektet që tregtojnë gazin.
Veç abuzimit të këtyre subjekteve, një tjetër shkak për shtimin e numrit të zjarreve është edhe mungesa e informacionit tek qytetarët.
Ylli Bërdufi , inspektor për parandalimin e zjarreve, tha për TCH: “Njerëzit që përdorin bombolat familjare në shtëpi dhe në bizneset e tyre të vogla, duhet të blejnë vetëm bombola të koaliduara, që kanë të shënuara ose të stampuara datën e prodhimit dhe skadimit. Duhet të mos përdorin bombolat e ndryshkura dhe duhet të mos bëjnë instalimin vetë në shtëpi. Gjithashtu, nuk duhen përdorur në shtëpi bombolat 3 dhe 5 kg që nuk kanë garanci”.
Ndërkohë, kanë nisur edhe kontrollet në subjektet e gazit nga specialistët për parandalimin e zjarreve, fushatë kjo që synon edhe sensibilizimin dhe informimin e qytetarëve mbi përdorimin e tij.