Milot Rashica kthehet të jetë protagonist me Werder Bremen pesë ditë pasi i hapi rrugë kualifikimit befasues të skuadrës së tij kundër Borussia Dortmund-it në Kupën e Gjermanisë.
Ashtu siç ka bërë edhe kundër verdhezinjve, ylli i Kosovës ka zhbllokuar edhe ndeshjen e sotme të Bundesliga-s që Werder po luan në shtëpi kundër Augsburg.
Fantazisti 22-vjecar ka finalizuar në mënyrën më të mirë të mundshme një aksion të bukur të vendasve në minutën e 5-të të sfidës, e njëjta minutë në të cilën ndëshkoi edhe Borussia-n në 1/8-at e kupës. Ky ka qenë dhe goli më i shpejtë i realizuar nga Werder në këtë edicion të Bundesliga-s.
https://twitter.com/kosovanfooty/status/1094614019250503682
Por nuk mbaron me kaq, sepse në minutën e 28-të, Rashica ka realizuar edhe golin e dytë personal, një magji e vërtetë, dhe të tretin për ekipin e tij pasi Eggestein ka dyfishuar shifrat për Werder në minutën e 27-të.
