Rashica me klub të ri/Altin Lala e dërgon tek gjiganti gjerman

Milot Rashica sipas medieve gjermane aktualisht ndodhet në Gjermani dhe po kryen vizitat mjekësore tek Werder Bremen. Sulmuesi anësor 21 vjeç i Vitesse Arnheim u përfol gjatë se do ti bashkoheshe Ajaxit, por ka surprizuar me zgjedhjen që ka bërë në orët e fundit të merkatos.

Edhe pse nuk ka ende asgjë të konfirmuar, një gjë mbetet e sigurt, që lojtari është larguar nga klubit i tij për të kompletuar transferimin. Besohet se për këtë lëvizje ka ndihmuar shumë ndikimi i Altin Lalës që është edhe menaxheri i futbollistit. Më parë ishte Hanover 96 që kishte kërkuar shërbimet e lojtarit, por vlera e lartë që kërkonte Vitesse bllokoi transferimin. Milot Rashica këtë sezon ka shënuar tre gola në 19 ndeshje në kampionat, ndërsa edhe në Ligën e Evropë është paraqitu gjashtë herë, ku ka dhënë dy asistime.

Rashica në 2015-ën u bashkua me Citessen nga ekipi kosovar i Vushtrrisë. Ai u përshtat mjaft mirë në futbollin holandez, ndërsa është pjesë edhe e Kombëtares së Kosovës. Sipas medieve gjermane Werder Bremen do të paguajë një shifër mes pesë deri në dhjetë milionë euro për talentin shqiptar.