Gazetarja Brianna Keilar filloi të qante, ndërsa raportonte drejtpërdrejt nga Lviv për fëmijët e prekur nga lufta. Duke raportuar, Keilar tha se si “kjo luftë në Ukrainë ka vjedhur fëmijërinë në një shkallë të paimagjinueshme”.
Ajo përshkroi një baba që njohu trupat e pajetë të fëmijëve të tij në Twitter, sepse ai pa bagazhet e tyre të shtrira pranë tyre.
“Qeveria ukrainase thotë se rreth 200 fëmijë janë vrarë në këtë luftë, këtu deri më tani”, tha Keilar.
Në Mariupol, ku Rusia bombardoi një teatër në të cilin ishin strehuar fëmijët, me fjalët fëmijë të shkruara qartë në rusisht në trotuarin jashtë, kryebashkiaku thotë se 210 fëmijë kanë vdekur ndërsa Rusia sulmon qytetin e tij. Keilar filloi të qante kur raportoi vdekjen e një vajze 6-vjeçare ukrainase, e cila vdiq nga bombardimet ruse pranë shtëpisë së saj. “Ajo kishte veshur pizhame. Një ambulancë e çoi në spital ku vdiq”, tha Keilar mes lotëve.
Many Russians don’t believe the pictures of these kids killed in Ukraine during the invasion are real. CNN’s Brianna Keilar names the children who had their futures taken. pic.twitter.com/rHlnNeHWPM
— CNN (@CNN) April 14, 2022
Keilar e përfundoi raportin e saj duke vënë në dukje se rusët nuk u besojnë dëshmive fotografike të fëmijëve të vdekur.
“Ata nuk besojnë se fotot e këtyre fëmijëve janë të vërteta”, tha ajo. “Ata mendojnë se janë fabrikuar nga ukrainasit. Por ato janë të vërteta”.
Burimi i lajmit: THE WRAP. Përshtatur nga Tirana Today
