Publikohet raporti final i OSBE/ODIHR për zgjedhjet e 25 qershorit. Në raport vihet në dukje moszbatimi i plotë të disa procedurave në disa prej qendrave të votimit, ku theksohet se ka pasur vonesa në fillimin e procesit. Gjithashtu në raport vlerësohet se marrëveshja politike e 18 majit krijoi sfida për administratën zgjedhore, e cila rezultoi me një aplikim selektiv dhe të papajtueshëm me ligjin. Ndërsa vlerëson se dita e zgjedhjeve ka qenë e rregullt.
Një rekomandimet kryesore të OSBE është edhe hartimi i një reforme të re zgjedhore gjithëpërfshirëse. “Të thellohet depolitizimi i administratës publike”, thuhet gjithashtu në raportin e OSBE. Të ndërmerret reformë zgjedhore gjithëpërfshirëse. Të harmonizohen ligjet për zgjedhjet veçanërisht për fushatën, financimin e median. Nevojiten përpjekje të forta për adresimin e problematikës së përsërit të blerjes së votës. Qeveria të konsiderojë krijimin e një trupe, e cila do të merret me problemet që do të hasen si para, ashtu edhe pas procesit. Të mos aplikohet heqja automatike e të drejtës së votës të personave mbi 100 vjeç. Garantimi i barazisë në votim. Rregullat të mos ndryshojnë ditën e zgjedhjeve. Të garantohet me ligj të drejta të barabarta për të gjithë vëzhguesit. KQZ të organizojë programe edukimi për komunitetin rom dhe egjiptian. Procedurat për ankimin e zgjedhjeve të thjeshtohen dhe afatet te shkurtohen.
Raporti i Osce-ohdir by Tirana Today on Scribd
