Ramush Haradinaj ka folur për mbrojtjen juridike, pas lirimit nga Gjykata e apelit në Colmar të Francës.
Kreu i AAk-së ka treguar se qeveria e Kosovës nuk ka shpenzuar asnjë cent për mbrojtjen e Haradinajt, ndërsa tregon se të gjitha shpenzimet, të cilat arrijnë vlerën 70 mijë euro, janë paguar nga biznesmeni shqiptar Gani Dreshaj.
“Asnjë cent qeveria s’e ka dhënë. Faturat janë dërguar me kohë. Jam detyru me thirr dikë në telefon prej instancave të larta me i pyet a duan ta paguajnë që të mos i rrejmë atje, kur e kam kuptuar se ata nuk kanë paguar asgjë jemi detyruar të paguajmë vet. Shpenzimet e mbrojtjes pastaj i ka paguar Gani Dreshaj. Shuma e shpenzimeve të mbrojtjes është 70 mijë euro”, ka thënë Haradinaj.
