Dy deputete të LSI, Kejdi Mehmetaj dhe Floida Kërpaçi, dorëzuan sot në Kuvend dy amendamentet e LSI-së, që gjykojnë se i japin zgjidhje kërkesave të parashtruara nga ana e studentëve. Mehmetaj tha se të gjitha votat e LSI do të jenë për zgjidhjen e problemit të studentëve, e ndërsa qeveria vepron me arrogancë. Me tone ironike, ajo shtoi se Ramës iu tha pështyma, pasi tentoi të bëjë një “show” me disa njerëz partiakë.
“Pas tetë ditëve protestë, kur studentët me gjithë shpirt e zemër dhe të drejtë që ua jep Kushtetuta. Nga Kryeministria dhe qeveria pati vetëm arrogancë, që vazhdon deri sot deri në arrestim dhe procedim të studentëve.
Ndaj ne gjykuam se nuk ka kohë të presim as për kryeministrin, as për qeverinë. Të gjitha votat e LSI do të jenë për zgjidhjen e problemit të studentëve.
E pamë dje se kryeministrit iu tha pështyma, iu tha pasi tentoi të bëjë një “show” me disa studentë që më shumë se studentë, ishin disa partiakë, njerëz të tij të urdhëruar për të qënë aty.
E pamë kur pështyma iu tha, kur studentët protestuan gjithandej në pikat nevralgjike të Tiranës, dhe duket se acarimi i tij, mungesa e dëshirës së tij për të ndihmuar studentët apo ngërçi që e ka kapur në këto momente, e kanë bërë që vetëm të gabojë”.
https://tiranatoday.com/deputetet-e-lsi-se-dorezojne-amendamentet-per-studentet/
