Duket se kryeministri Edi Rama do të mbetet i vetëm në zgjedhjen e prokurorit të përkohshëm. Pas PD-së dhe LSI-së, edhe PDIU shprehet kundër pjesëmarrjes në votime ku sipas saj shkelet Kushtetuta e vendit.
Mësohet se “PDIU nuk do të marrë pjesë në asnjë komision apo votim ku shkelet Kushtetuta e vendit”. “Prokurori i Përkohshëm i cili mund të zgjidhet sipas interpretimeve të maxhorancës edhe me 36 vota, nuk ka asnjë referencë në ndryshimin që kemi bërë bashkërisht në nenin themeltar të shtetit në Kushtetutë”- ka thënë PDIU.
