Ramazan Rraja ka reaguar pasi policia kerkoi deshminë e tij për masakren te mbikalimi i Fushë-Krujës. Ai ka thënë se nuk ka lidhje me masakrën dhe se ndodhet jashtë vendit. Reagimi i tij pason pasi policia kërkoi dëshminë e tij për masakrën te mbikalimi i Fushë Krujës, ku u ekzekutuan tre të rinjtë Brilant Martinaj, Diklen Vata dhe Besmir Hoxha. Ramazan Rraja ka thënë për “News24” se po sulmohet vetëm se është nipi i deputetit socialist.
“Nuk kam asnje lidhje me krimin, ndodhem jashtë vendit. Per shtatë muaj në Shqipëri kam qendruar vetëm tre ditë kur kam vizituar familjen. Policia po më sulmon qëllimisht, më akuzon padrejtësisht për çdo krim. Dua të shtoj dhe që po sulmohem vetëm për arsyen se jam nip i një deputeti se kuptoj arsyen për çfarë të emrit xhaxhit per çdo rast”, tha Rraja.
Në këtë atentat mbetën të vrarë Brilant Martinaj, Besmir Hoxha dhe Diklen Vata, të cilët u vranë te mbikalimi i Fushë-Krujës nga një skudër komando, me njohuri të avancuara të përdorimit të armëve.
Ata u qëlluan me rreth 60 plumba kallashnikovi në makinën Volkswagen Passat, me të cilën po lëviznin drejt Laçit. Nga breshëria e plumbave makina mori flakë dhe për pasojë u shkrumbua. Vetëm Vata mundi të dalë nga makina, por agresorët u rikthyen sërish dhe u siguruan të vdiste.
