Ylber Ramadani është duke kaluar një formë mjaft të mirë këtë sezon tek ekipi i ti Vejle në Danimarkë, ku edhe ka shënuar një gol mjaft të bukur në përballjen me Vendsysel. Pasi shënoi në ndeshjen që zhvilloi me përfaqësuesen e 21-vjeçarëve të Shqipërisë, ai u grumbullua edhe nga tekniku Panuçi në Kombëtaren A. Ndërsa sot ekipi i tij në Danimarkë ka marrë një fitore mjaft të rëndësishme përballë Vendsysel, pasi kanë arritur të marrin vendin e parë në ligën e dytë dhe janë pretendentët kryesorë për të kaluar në të parën.
Vejle e fitoi takimin me rezultatin e thelle 4-1, ku Ramadani shënoi golin e barazimit në minutën e 13’ nga një distancë e konsiderueshme. Shqiptari shënoi një gol mjaft të bukur, nga jashtë zonës, me topin që kaloi përmes shumë lojtarëve, dhe përshëndeti fundin e rrjetës. Ky ishte goli i parë për 21-vjeçarin me fanellën e Vejles në Danimarkë.
