Kryeministri Edi Rama e quan ditën e tetë të protestës së studentëve një “ditë të humbur me arsyen e mosarsyes”.
Rama madje vijon ta politizojë çështjen, teksa krahason sjelljen e studentëve dhe këmbënguljen e tyre në plotësimin e kërkesave me sjelljen e Kryemadhit, Bashës dhe të pedagogut Arlind Qorri.
“Një tjetër ditë e humbur me arsyen e Mosarsyes: Kam kërkesa po s’dua të flas për to, prandaj m’i plotëso! Kështu funksionon në Klinikën e Doktorreshë Monës, në Gjumin e Lul Artistit, në Megafonin e Profesor Qorrit,po jo në mësimet e demokracisë e të prindërve tuaj. Unë ju pres”, përfundon Rama.
Një tjetër ditë e humbur me arsyen e Mosarsyes: Kam kërkesa po s’dua të flas për to, prandaj m’i plotëso! Kështu funksionon në Klinikën e Doktorreshë Monës, në Gjumin e Lul Artistit, në Megafonin e Profesor Qorrit,po jo në mësimet e demokracisë e të prindërve tuaj. Unë ju pres?
— Edi Rama (@ediramaal) December 12, 2018
