Në konferencën e fundit të vitit në prani të gazetarëve, kryeministri Rama ka bërë bilancin e punës së qeverisjes, duke u ndalur në shifrat për ekonominë, punësimin, uljen e varfërisë dhe vënien në kontroll të borxhit publik.
Duke folur përmes shifrave, ai tha se papunësia është ulur në 12.4, shifra më e ulët historike e papunësisë. Ai shtoi më tej se varfëria është më e ulët se 5 vjet më parë, dhe BB konfirmon rritjen ekonomike të vendit si më të lartën në rajon.
“Ekonomia shqiptare sot është shumë më konkuruese se 5 vjet më parë, gjë që e faktojnë shifrat. Por mjafton të marrim shifrën e eksporteve që kapi 30% më shumë se 5 vite më parë.
262 mijë të punësuar të regjistruar më shumë, në regjistrat e shtetit që paguajnë sigurimet. Nuk janë 300 mijë sigurisht, per te gjithë ata qe thonë ku i ke, por janë shifra lehtësisht të verifikueshme.
Papunësia është ulur në 12.4, shifra më e ulët historike e papunësisë. Varfëria është më e ulët se 5 vjet më parë dhe BB konfirmon rritjen ekonomike të vendit si më të lartën në rajon. Nuk dua aspak të përcjell mesazhin që jam i kënaqur dhe ka ndodhur ndonjë mrekulli, por janë realitet i përpjekjes sonë”, tha ai.
Rama nuk ka lënë pas edhe akuzat e opozitës, duke u konfirmuar se të dhënat pasqyrojnë një tjetër realitet.
“Dy fjalë për të mëdhenjtë, sepse propaganda dhe tamtamet e përditshmet që synojnë ta pikturojnë qeverinë si të mëdhenjve, oligarkëve, ku bënë punët e vetë. Tamtamet përçojnë një mesazh krejtësisht të gënjeshtër, ndërsa faktet flasin ndryshte.
100 kompanitë e mëdha paguajnë më shumë taksa se 5 vite më parë. Fitimi i tyre është më i ulët se 5 vite më parë, në gjithë fushën e sipërmarrjes shqiptare. Ku janë këta që kam mbledhur në 5 duar, dhe po bëjnë hatara me mbështetjen e qeverisë? Janë lehtësisht të vërtetueshme. Sot puna në Shqipëri taksohet më pak, 5.5%. Ky është fakt. Deri dje puna juaj dhe në Shqipëri taksohej 10 %. Gjithë vendet e tjera të rajonit janë 9-10% të taksës së sheshtë”.
