Nga Klodian Tomorri/Një qytetar vdes në zyrat e Policisë së Shtetit. Policia nuk denjon të bëj asnjë deklaratë për të sqaruar ngjarjen. Qeverisë as nuk i bie ndër mend fare.
Në një vend normal, kryeministrin nuk duhet ta zinte gjumi përballë një ngjarje të tillë. Ai duhet të ishte i pari që të kërkonte zbardhjen sa më të shpejtë të asaj që ka ndodhur dhe vënien përpara ligjit të atyre që kanë përgjegjësi.
Dyshimet janë për vrasje nga policia. Por shteti dhe qeveria nuk kanë kohë të merren me këto gjëra sepse u duhet të mbrojnë ministrin e brendshëm nga skenari mafioz dhe grushti i shtetit.
E trishtë. Shumë e trishtë. Kjo është një nga ngjarjet më të rënda, që mund të ndodh në një vend demokratik. Por akoma më e tmerrshme është heshtja me të cilën po kalohet. Sikur të jetë një gjë normale.
