Kryeministri Edi Rama ka komentuar edhe një herë çështjen e tarifës në Rrugën e Kombit.
Në një intervistë për “Opinion”, Rama tha se vazhdojnë negociatat me kompaninë për gjetjen e një zgjidhjeje edhe për banorët, por ai shtoi se nuk ka asnjë mundësi që kalimi të jetë falas për banorët e zonës.
“Fjala “fare” nuk ekziston. Se sa do të paguajnë do të dalë nga llogaritë. Se nëse bëhet falas ajo mund të keqpërdoret. Dikush që ka një makinë nga banorët e zonës e jep me qira për të gjithë aty për të kaluar falas.
Për banorët e zonës, të gjithë ata që kanë autoveturë do të paguajnë. Kush është i varfër le të marrë autobusin dhe nuk do të paguajë asgjë” – tha Rama.
