Kryeministri, Edi Rama zgjeron vizionin e tij për lëvizjen e shqiptarëve me linja ajrore. Rama dje foli për ngritjen e një linje ajrore shqiptare por dhe për ndërtimin e aeroportit të i ri rajonal të Vlorës që do jetë një vlerë e shtuar për vendin. Kreu i qeverisë duket se e ka marrë seriozisht punën e aeroporteve sepse tashmë kërkon që të ndërtojë dhe një linjë ajrore të brendshme. Ai poston në rrjetin social Facebook një foto të viteve `20. Në foto shohim aerodromin e Korçës, me funksionarë të qeverisë së kohës, që prisnin të ktheheshin në Tiranë, më linjën e brendshme ajrore.
Kryeministri Rama, dje për median:
“Cilësia e transportit ajror në Shqipëri lë për të dëshiruar. Por me ndihmën një vendi mik dhe po ashtu një partneri strategjik, më në fund do të hyjmë në një epokë të re në këtë shërbim. Mirënjohje të thellë ndaj presidentit Erdogan dhe ‘Turkish Airlines … Jemi afër realizimit të projektit të ri me ndihmën e “Turkish Airlines” , për linje të re shqiptare. Për 90 ditë do paraqesim detajet për këtë projekt. Brenda vitit fluturimet e para. Po ashtu nuk do lëmë pas dore ndërtimin e aeroportit të i ri rajonal i Vlorës që do jetë në vlerë e shtuar për vendin”
Kryeministri Rama, sot në Facebook:
Në mesin e viteve ’20, Kryeministri i kohës mund të bënte vajtje ardhje Tiranë-Korçë me linja të brendshme ajrore, siç e dëshmon kjo foto, ku njerëzit duken të mbledhur në aerodrom, jo për të pritur ceremonialisht kreun e qeverisë, por për të marrë avionin e kthimit.
Krijimi i një kompanie ajrore kombëtare, premisat e së cilës u shfaqën dje fuqishëm dhe infrastruktura që ajo do të ketë si prurje parësore, do ta kthejnë këtë kujtim të bukur në një realitet të dobishëm për bashkatdhetarët tanë brenda dhe jashtë vendit
