Kryeministri Edi Rama ka dalë në një konferencë për shtyp, ku ka folur Samitin e Triestes, të mbajtur para dy ditësh.
Gjatë fjalës së tij, Rama theksoi rëndësinë e këtij Samiti për vendet e rajonit të Ballkanit Perëndimor, siç është krijimi i tregut të përbashkët.
Gjithashtu, Rama i quajti broçkulla thashethemet për krijimin e Jugosllavisë, duke iu referuar shkrimit të medias gjermane “Die welt”.
Ndër të tjera, Rama tha:
“Aspekti themelor i procesit të Berlinit mbetet në planin politik si një plan ku është bërë një progres i paimagjinueshëm.
Dua të nënvizoj rëndësinë e një hapi të hedhur në këtë samit, për organizimin një tregu të përbashkët rajonal duke hedhur poshtë të gjithë kundërshtitë qesharake ndaj këtij projekti për të nënvizuar atë që është e vërteta e projektit: rritje e kapaciteteve tona për të pasur një treg shumë më të madh se sa tregjet tona të vogla, një rritje e kapaciteteve eksportuese dhe importuese duke hequr barriera penguese tarifore dhe një rritje për t’iu bashkangjitur tregut të përbashkët rajonal.
Është e kotë të humbasim energji lidhur me gjithfarë broçkullash që janë dëgjuar për këtë projekt, nuk përbën asnjë zgjidhje alternative, por përbën një përpjekje me atë të integrimit të vendeve tona për anëtarësim në BE. Kam dëgjuar broçkulla për krijimin e Jugosllavisë. Po hedhim hapa bashkëveprimi mes rajoneve të Ballkanit dhe po zhvillojmë një agjendë rajonale ashtu siç agjenda të tilla janë zhvilluar më parë mes vendeve fqinje të BE.”
