Kryeministri Rama për herë të parë ka folur lidhur me disa fakte të marrëveshjes me kreun e PD-së, Lulzim Basha.
Sipas tij, ky diskutim ka qenë mjaftë i vështirë por ka pasur një synim të përbashkët nga të dy bashkëbiseduesit.
Po ashtu, Rama është shprehur se ka qenë kundër paketës “McAlister” me arsyetimin se duheshin diskutuar shumë nga pikat e parashtruara në të.
Sakaq, ai tha se ideja e qeverisë më bazë të gjerë ka qenë propozim i tij.
“Ka qenë diskutim i vështirë por ka qene diskutim me pikë të qartë. Dhe të dy kemi qënë për marrëveshje
Marrëveshja me qeveri me bazë të gjerë ka qënë propozimi im. Unë nuk isha dakord me paketën “McAlister” pasi kishte pika që duhet të negocioheshin.
Ne kishim marrë përsipër si unë si Meta në mënyrën tonë për të futur opozitën në zgjedhje.
Lidhur me këtë marrëveshje dhe fshehtësisë së saj nuk ka pasur asgje për të fshehur por nuk ka asnjë marëveshje në “Facebook” apo në sheshe.
Në këtë marrëveshje ka një pikë që nuk do ketë shkesë të ndërkombëtarëve pasi fyen aftësitë tona”, u shpreh ai.
Gjithashtu, Rama ka shprehur në mënyrë kategorike se pas 25 qershorit nuk do të ketë bashkëqeverisje me PD-në.
“Ne kërkojmë të marrim timonin e qeverisë dhe jo ti shtojmë një hall PS-së pasi është e vështirë për tu përshtatur numrave të partive të tjera në bashkëqeverisje”, tha Rama në emisionin “opinion”.
