Kryetari i Partisë Demokratike ka mbërritur sot në Kukës, në të vetmin qark ku Partia Demokratike doli fituese në zgjedhjet e 2017-ës.
Qindra qytetarë kanë dalë në rrugët e këtij qyteti, duke e pritur kryedemokratin si një hero. Gjatë takimit me Bashën, qytetarët kanë ndarë shqetësimet e tyre me të, si dhe i kanë kërkuar që të kthejë sytë nga ky qytet sapo të vijë në pushtet.
Kryedemokrati akuzoi Ramën se hiqet si patriot, por ka ndjekur një politikë spastrimi për ta zbrazur Kukësin. Më tej, Basha tha se do heqë traun që i ndan kuksianët nga pjesa tjetër e Shqipërisë si dhe hapë sërish universitetin në këtë qytet.
Fjala e Bashës:
Hiqet si patriot, politikë për t’i largu dhe për ta zbraz Kukësin. E ka shpreh që a ka mundësi të hiqet Kukësi nga harta, t’i bashkohet Kosovës. Heqja e universiteti, vendosja e traut, shkatërrimi i ekonomisë së fermerëve ka godit sidomos Kukësin. Çdo padrejtësi do ta zhbëjmë sapo të hipim në pushtet, duke nis me anulimin e traut që ka vënë për t’u nda nga pjesa tjetër e Shqipërisë.
Taksa do të jetë zero, jua jap fjalën këtu. Plani i tij për ta shkretu Kukësin do të marrë fund. Do hapim universitetin e Kukësit. Gjermanët i keni në krah, këtu do ndërtojmë modelin gjerman, gjysmën e kohës në universitet, gjysëm në stazh./ Tirana Today
