Kryeministri Edi Rama ka folur sot në parlament mbi çështjen e teatrit, duke thekuar se Teatri Kombëtar do të shembet dhe aty do të behet teatri i ri modern.
Duke iu drejtuar deputetit Berisha, Rama tha se teatri do të jetë më moderni në rajon, ndërsa u ka dhënë përgjigje edhe akuzave të ngritura nga aktorët, duke iu përgjigjur edhe Bujar Asqeriut, deklarata e të cilit bëri bujë në media.
“Ne Teatrin Kombëtar, Sali do e ndërtojmë, ti nuk do shkosh, se ti je vetë regjisor, vetë aktor e spektator, ke teatrin tënd dixhital. Nuk do jetë as nën kullë e as mbi kullë se po kërkojmë mundësi të re, por ju garantoj se do të jetë më moderni në rajon.
Një vend demokratik mund të ketë aktorë rrogëtarë, e lista pagash nëpër teatrot e vendit. Sot çohet miku im Bujar Asqeriu dhe thotë pse na ndodhi kështu, ashtu do ndodhte se nëse nuk bëhej skema si e ka gjithë bota normale, që fondi që shteti jep për artin, është në dispozicion të atyre që bëjnë teatër e filma, jo me rroga të atyre që dikur kanë bërë filma, e role, e kanë qenë rrogtarët të partisë së Saliut të PPSH. Fondet janë për ata që bëjnë artin, jo ata që luajnë bingo në teatër, jo ata që jetojnë me lavdinë e të shkuarës”, tha Rama.
