Kryeministri Edi Rama u kritikua shumë pas publikimit të emrave të nëpunësve, të cilët dyshohen se kanë abuzuar me postin e tyre.
Megjithatë, kjo nuk e ka ndaluar atë të shtojë edhe një emër tjetër dhe ta çojë listën në 101 persona.
Bëhet fjalë për Drejtoreshën e Hipotekës në Tiranë, Lediana Bardhi, e cila është emëruar drejtpërdrejtë nga vetë kryeministri Rama në vitin 2015 dhe vijon akoma të mbajë këtë detyrë.
Bardhi është denoncuar nga qytetarë të ndryshëm edhe në media për shkak të abuzimeve me detyrën, ndërsa nuk kanë munguar as komentet në postimin e Ramës, duke e pyetur këtë të fundit përse mungon emri i saj.
Ndërkohë, Ramës duket se nuk i kanë shpëtuar as ankesat për Drejtoreshën e Hipotekës në Tiranë, duke e ndryshuar menjëherë listën.
