Kryeministri Rama është mjeshtër i fjalës, e në të njëjtën kohë arrin që të përçojë tek masa atë çfarë ai dëshiron, qoftë edhe jo në rrugë të drejtë. Trajtesa e çështjeve që thellë mbartin shumë problematika, falë propagandës, bën për vete qytetarët që ti besojnë verbërisht.
Pas tij qëndron një ‘ushtri’ e tërë, por ‘padashje’, kryeministri na ka zbuluar se nga kush ai merr këto mësime të arta. Në një pjesë së shkëputur nga jeta e tij e përditshme, e ndarë me ndjekësit në Instagram, ai ka zbuluar se marketingu e reklamimi, janë padyshim ndër armët e tij më të forta, për të cilën zgjon kërshërinë falë marrjes së informacioneve në mënyrë të vazhdueshme.
Duke pirë një kafe me një filxhan tipik shqiptar, ku ishte e gdhendur shqiponja, ai shijon freskinë e detit, e në të njëjtën kohë reflekton mbi çfarë ka arritur dhe çfarë do të bëjë, falë një libri me shumë vlerë që mban në duar, ‘Ogilvy on Advertising’.
Autori i librit David Ogilvy, mbart shumë vlera për këdo, ndaj Rama po i ‘vjedh’ sekretet më të mira reklamuese. Sipas tij, “Nëse jeni duke u përpjekur t’i bindni njerëzit që të bëjnë diçka, ose të blejnë diçka, duhet të përdorni gjuhën e tyre, gjuhën që ata përdorin çdo ditë, gjuhën në të cilën mendojnë. Ne përpiqemi të shkruajmë në gjuhë të folur”.
