Partia Socialiste duket më e vendosur se kurrë që t’i shkojë deri në fund betejës për zhvillimin e zgjedhjeve vendore më 30 qershor.
Ditën e sotme, është mbledhur në selinë rozë Kryesia e PS-së, ndërsa menjëherë pas saj, kryeministri Rama ka zhvilluar një takim 90-minutësh me ambasadorët e BE-së, lidhur me vendimin e presidentit Meta për anulimin e zgjedhjeve.
Tashmë, PS ka nisur edhe mbledhjen e firmave për shkarkimin e presidentit Meta. Firmat e para janë hedhur nga deputetët socialistë në Komisionin e Ligjeve. Kujtojmë se duhen 35 firma për të inicuar shkarkimin e presidentit Meta.
Të majtët e kanë konsideruar vendimin e presidentit si të njëanshëm, ndërsa vetë Meta u shpreh se ky vendim është zgjidhja e duhur për të shmangur një përplasje civile.
