Kryeminsitri Edi Rama është nisur drejt Maqedonisë, në kuadër të “Samitit 100”.
Sapo ka përfunduar mbledhja për Diasporën dhe Emigrantët, Rama është nisur në Shkup, ku po mbahet “Samiti 100”.
Në samitin rajonal marrin pjesë katër kryeministra të Ballkanit Perëndimor, ministra, përfaqësues nga Bashkimi Evropian dhe mbi 150 liderë biznesi.
Samiti u hap nga kryetari i Bordit të Samitit 100, Zhivko Mukaetov dhe Presidenti i Maqedonisë, Ivanov.
Ndërkohë, ashtu siç ishte paralajmëruar, në Samit ka munguar kryeministri i Kosovës, Ramush Haradinaj. Mediat e Kosovës e cilësuan këtë mungesë, si një arsye për të shmangur përballjen me kryeministrin e Malit të Zi, Dushko Markoviç si pasojë e çështjes së Demarkacionit.
Por, menjëherë u shpërnda një deklaratë nga zyra e Kryeministrisë së Kosovës, ku sqarohej se arsyeja e mungesës së Haradinajt është për shkak të axhendës së paracaktuar në Kosovë.
