Kryeministrit Edi Rama duket se nuk i ka bërë shumë përshtypje tragjedia e Vlorës, ku mbetën të vrarë 8 persona nga dy familje të një fisi.
Pavarësisht se ngjarja rezulton një ndër më të rëndat përgjatë këtyre viteve të fundit sa u përket ngjarjeve kriminale, për kreun e qeverisë duket një ngjarje krejt e zakonshme.
Duke e parë në këtë mënyrë, ai i është rikthyer propagandës së tij me Shqipërinë që e sheh përmes formatit 3D.
Në një postim në rrjetin e tij social Facebook, Rama parashtron rritjen ekonomike imagjinare të vendit duke e shoqëruar me një ngërdheshje. Ndërsa iu uron të gjithëve një fundjavë të qetë. Edhe pse tragjedia e Vlorës ka shokuar të gjithë shqiptarët, duket se vetëm Rama e ka kaluar si një ngjarje të zakonshme.
“Dhe me këtë video-informacion për ecurinë ekonomike, punësimin dhe bizneset e reja në vend, ju uroj një fundjavë të qetë”, shkruan Rama. Ndërsa shumë komentues e kanë cilësuar atë si një krye-idiot dhe sa e turpshme është sjellja e tij. Megjithatë, ashtu si tragjedinë e Vlorës edhe komentet e qytetarëve duket se i ka ‘shoqëruar’ me ngërdheshjen e zakonshme.
TIRANA TODAY
