Kryeministri Edi Rama ka zhvilluar një takim me banorët e Poliçanit. Gjatë fjalës së tij, Rama tha se ka lexuar një lajm që tezat e provimeve të maturës po qarkullojnë në këmbim të parave, ose votave.
Rama siguroi se një gjë e tillë nuk do të ndodhë, ndërsa bëri thirrje që askush të mos e pranojë këtë ofertë.
Gjithashtu, kreu i PS-së akuzoi PD-në për mosrespektim të kuotave gjinore në listat e zgjedhjeve, ndërsa shtoi se të gjitha gratë duhet t’i japi një mesazh PD-së se nuk ka zgjedhje vetëm për burrat.
FJALA E RAMËS:
Kemi nevojë për një besim të ri që të bëjmë për ekonominë e punësimin më tepër se asnjëherë tjetër.
Sot në mëngjes lexova një lajm që maturantëve ka filluar t’u ofrohet kopja e tezave të provimit të maturave shtetërorë në këmbim të parave dhe kartave të tyre të identitetit. Dua t’u them se kushdo që ju ofron këtë është në mashtrim sepse tezat askush nuk mund t’i ketë e jo më t’i nxjerrë në pazarin e votave. Së dyti dua t’u them të gjithë atyre që ndodhen para kësaj oferte mashtruese që ta refuzojnë, sepse mjafton një ofertë e tillë që shkel dinjitetin e prindërve tuaj e t’i japim fund iluzionit se shkollat mund të merren me kopje.
Është shumë e rëndësishme që të gjitha gratë ti japin një mesazh PD-së, se nuk ka zgjedhje vetëm për burrat, por ka për burrat dhe për gratë. Nuk mund të imagjinohet që një parti e madhe të marrë gjobë për mosrespektimin e kotave gjinore.
