Kryeministri Edi Rama e ka nisur ditën e sotme duke ndarë trishtimin me miqtë e tij në Facebook për ndarjen nga jeta të shkrimtarit të njohur Kasëm Trebeshina.
Rama e quan Trebeshinën “shqiptar kokëfortë, i fortë si më të rrallët në mbrojtje të lirisë së ideve”.
Së fundmi, kryeministri kërkon ndjesë dhe u uron ndjekësve një ditë të mbarë.
“MIRËMËNGJES dhe lejomëni të ndaj me ju trishtimin për ndarjen nga jeta të Kasëm Trebeshinës, një njeriu krejt të posaçëm, shqiptar kokëfortë si pakkush dhe i fortë si më të rrallët e këtij vendi në mbrojtje të lirisë e të ideve të veta, të cilin pata fatin ta njoh në kohën e ndërrimit të epokave, kur i thoshte të vërtetat e veta me mprehtësinë e një shpate të pathyeshme
?
Ndjesë dhe një ditë të mbarë të gjithëve”, shkruan Rama.
Shkrimtari shqiptar ndërroi jetë në moshën 92-vjeçare. Ai vdiq para dy ditësh në Ankara, ku qëndronte te vajza e tij. Trupi i Trebeshinës ka mbërritur dje në Shqipëri dhe do të prehet në varrezat e Tiranës.
