Kryeministri i Shqipërisë, Edi Rama ka folur për mikpritjen dhe shpëtimin e hebrenjve nga regjimi nazist gjatë Luftës së Dytë Botërore.
Teksa qëndronte në Konferencën Vjetore të Komitetit Izraelito-Amerikan të Çështjeve Publike, në Washington DC, Rama tregoi se shqiptarët kanë mbrojtur me dinakëri hebrenjtë nga kthetrat e nazistëve në Luftën e Dytë Botërore.
Gjithashtu Rama tha se hebrenjtë kanë ardhur edhe tre herë të tjera më parë në Shqipëri dhe kanë gjetur derën e hapur. Rama nuk harroi të sjellë në vëmendje dhe bashkëjetesën fetare shqiptare, dhe tha se kjo është një ndër vlerat e rralla që ka Shqipëria.
I pyetur se cila është baza e heroizmit për mbrojtjen e hebrenjve, Rama u shpreh: “Antisemitizmi ishte i përhapur kudo, historia është e jashtëzakonshme. Hebrenjtë u shpëtuan jo vetën nga myslimanët, por edhe nga të krishterët. Një nazist, thirri katër përfaqësuesit e krerëve fetare dhe ju kërkoj listën e hebrenjve. Por, ata dhanë listën e floririt dhe jo të hebrenjve. Asnjë hebre nuk iu dorëzua Gjermanisë, as nga myslimanët dhe nga asnjë religjion apo besim tjetër në Shqipëri”-tha Rama.
Fjala e Ramës
Paraardhësit tuaj erdhën të gjenin strehë në Shqipëri edhe tre herë më parë në këtë vend. Dhe të gjitha herët e gjetën derën hapur. Shpresoj se marrëdhëniet tona te vijnë e të konsolidohen më tej.
Si mund të mbështesë Shqipëria Izraelin?
Dua të bashkëndaj me ju, se do të ndërtoj një qendër kulturore në qendër të Tiranës. Dhe kjo do të tregoj se kemi shumë për të ndarë. Shqipëria ka shumë besime fetare, ndërsa sot kjo tregon se ne jemi vend9i, i cili është në front dhe lufton terrorizmin dhe ekstremizmin.
Shqipëria ka një trashëgimi dhe krenari për hebrenjtë, cila ishte baza e heroizmi dhe një sjellje të tillë?
Antisemitizmi ishte i përhapur kudo, historia është e jashtëzakonshme. Hebrenjtë u shpëtuan jo vetën nga myslimanët, por edhe nga të krishterët.Një nazist, thirri katër përfaqësuesit e krerëve fetare dhe ju kërkoj listën e hebrenjve. Po, ata dhanë listën e floririt dhe jo të hebrenjve. Asnjë hebre nuk iu dorëzua Gjermanisë, as nga myslimanët dhe nga asnjë religjion apo besim tjetër në Shqipëri.
Ju jeni të shtrirë edhe në detin Adriatik, cilat janë sfidat që ju përballeni në aspektin e sigurisë?
Na duhet të luftojmë bashkë me partnerët tanë, kundër ekstremizmit, por edhe në trafikimin e drogës, megjithatë, dua të falënderoj ata që më ftuan mua këtu, sepse në radhë të parë është një nder për mua dhe së dyti për bashkëqytetarët e mi. Ndërsa iu uroj mirëseardhjen në Shqipëri, ku keni shumë për të parë për miqësinë dhe bukuritë e vendit tim.
