Kryeministri Rama ka mbledhur qeverinë në një takim informal, që po mbahet në qytetin e Elbasanit.
Mësohet se në këtë takim marrin pjesë edhe ministrat e shkarkuar nga kryeministri dhe ministrat e sapoemëruar.
Gjithashtu mësohet se të pranishëm në mbledhje do të jenë edhe kreu i Kuvendit Gramoz Ruçi dhe kryetari i grupit parlamentar socialist, Taulant Balla.
Ky takim i zhvilluar në nisje të vitit, pritet të ketë në fokus objektivat dhe prioritetet e qeverisë për vitin e ri, i cili vjen me ndryshime në kabinetin qeveritar.
Rama vendosi të ndryshojë 7 ministra në kabinetin qeveritar, ndërsa emëroi në postin e zv.kryeministrit deputetin Erion Braçe.
