Kryeministri Edi Rama pas postimit të viedes në mëngjes nga aksioni i pastrimit të vendit, sërish nuk ka nguruar pa postuar disa foto gjatë punës që po bëhet në teren ne qytetin e Beratit. Në foto e postuara nga kryeministri Rama, ku për tre ditë me radhë po pastrohet Berati shikohet dhe Ministri i Mjedisit Blendi Klosi. Ndërsa në aksionin për pastrim, ministri ka hyrë në një terren të vështirë ku shikohet i lidhur me litarë bashkë me disa qytetarë dhe ushtarë që janë angazhuar në pastrimin e këtij qyteti.
Krah, fotove të postuara në “Facebok”, Rama shkruan: “Vijon operacioni kombëtar i pastrimit në Berat, ku pas kërcënimit të fillim dhjetorit nga përmbytjet po ndërhyhet në shtratin e lumit Osum, si edhe në territorin e Beratit e të Urës Vajgurore”.
E ndërsa mbetje shqiptare kanë “mbytur” jo vetëm vendin tonë por edhe shtetet fqinje, madje disa ditë më parë mediat kroate denoncua mbulimin e bregdeteve të tyre nga plehrat shqiptare, politikanët në vendin tonë vijojnë dhe sensibilizohen me një aksion tre ditor duke thënë se kanë pastruar një qytet të tërë. Ky mund të themi, që është show më i fundit i shfaqur nga politikanët. Sensibilizimi i qytetarëve është një e mirë për mjedisin ku ne jetojmë, që ai të jetë sa më i pastër, pro nga ana tjetër “hedhja e hirit në sy të qytetarëve”, është një e vërtetë që dhemb më shumë se ndotja që i rrethon.
