Kryeministri Edi Rama në rubrikën “Komunikimi Javor” në Facebook i bën sërish thirrje emigrantëve që tu kërkojnë të afërmve dhe miqve që të votojnë Partine Socialiste.
“Kjo është hera e fundit besoj që ju nuk mund të votoni direkt nga aty ku jetoni dhe banoni. Ne kemi nisur punën për regjistrimin e shqiptarëve jashtë atdheut të cilët për çerekshekulli nuk i llogariti askush.
Pa ju Shqipëria nuk do të kishte mbijetuar ekonomikisht. Shqipëria s’do kishte të ardhme, as suksese të panumërta njerëzish si ju. Pa ju Shqipëria s’do ta kishte fuqinë e ëndrrave dhe shpresave. Na ndihmoni me votën tuaj, ndihmoni PS-në për të bërë shumë më shumë për Shqipërinë që duam.
Ngrini telefonat dhe kërkojuni njerëzve të mbështesin PS, për t’i dhënë këtij vendi të gjithë dinjitetin në sytë e fqinjëve dhe për të qenë atdheu që të gjithë duam.
Nuk duhet që ti japim punë atyre që s`kanë lidhje me punën për të bërë shtet. Ne kemi treguar se dimë që të bëjmë shtet.
Një energji, për të çuar Shqiponjën në nivelet më të larta. Bëjeni një telefon për secilin nga njerëzit tuaj, bëjini 10 vota, për të zhvilluar Shqipërinë, për arritur Vettingun”, ka thënë mes të tjerave Rama.
Por edhe në zgjedhjet lokale të vitit 2015 kryeministri Rama ndoqi të njëjtën taktikë dhe pati rezultat shumë të mirë.
Pse që pas zgjedhjeve të vitit 2013, Rama i drejtohet gjithmonë dhe më shumë emigrantëve dhe u thotë atyre që të bindin familjarët dhe miqtë e tyre që të votojnë PS-në.
Pyetja me vend në këtë rast është se përse kryeministri Rama kërkon aq shumë mbështetjen e emigrantëve? Përse u kërkon atyre që t’i mbushin mendjen familjarëve që të votojnë PS-në?
(TIRANA TODAY)
