Kryeministri Edi Rama do të mbledhë ditën e shtunë, më 6 janar, Asamblenë Kombëtare të Partisë Socialiste tek ‘Xibraku’. Mbledhjen e Asamblesë së PS do vendoset për ndryshimin e sekretariatit, por jo vetëm. Kjo Asamble mund të sjellë dhe ndryshime dhe risi në radhët e socialistëve. Kryeministri pas fitores bindëse të 25 qershorit tani kërkon që të disiplinojë “ushtrinë” e tij. Çdo mbledhje e Asamblesë Kombëtare të PS-së i ka paraprirë ndryshimeve në parti.
Gjithashtu do raportohet për ecurinë e zgjedhjeve në parti, pjesë e së cilës janë raportimet e deputetëve në terren dhe raportimi i qeverisë.
8 pjesëtarët e sekretariatit të PS janë Bashkim Fino, Alfred Peza, Musa Ulqini, Stefan Cipa, Elisa Spiropali, Blerina Gjylameti, Ilir Beqaj, dhe Taulant Balla.
Mbledhja e Asamblesë Kombëtare të PS vjen në javën e parë të vitit dhe pritet të bëhet një përmbledhje e punës së kësaj qeverie në mandatin e dytë.
