Në kohën kur Rama ende nuk po gjen gjuhën e përbashkët me studentët, kryetari i Kuvendit, Gramoz Ruçi, vihet në mbrojtje të të rinjve. Ai ka thënë se “universitetet duhet të rishikojnë të gjitha tarifat, për të garantuar mundësi të barabarta për studentet me të ardhura të pakta”. Ky koment ka ardhur teksa ka qënë i pranishëm në Forumin “Konkurrenca dhe biznesi”.
Gjatë fjalës së tij, ai ka deklaruar se “liria e tregjeve duhet të mos godasë të pambrojturit”. Ruçi ka “shkundur ” institucionet e pavarura, duke kërkuar nga to që të monitorojnë tregjet.
Sipas Ruçit, duhet që “rritja ekonomike, të përkthehet në mirëqenie për të gjithë qytetarët”.
Të rinjtë janë mbledhur sërish para Kryeministrisë, duke kërkuar plotësimin e tetë kërkesave të tyre.
Po kështu, edhe studentët e universiteteve të rretheve, vijojnë bojkotin dhe protestën para fakulteteve.
