Kryeministri Edi Rama gjen kohë për të ironizuar aktorin e madh Robert Ndrenika në ceremoninë e inaugurimit të teatrit Turbina.
Duke iu referuar protestës së artistëve kundër shembjes së godinës së teatrit, Rama tha se ndihet i pikëlluar kur sheh Robert Ndrenikën me pamjen prej mojkani të fundit të një historie talentesh.
Kryeministri tha se Shqipëria në gjithë këto kohë nuk ka pasur një godinë të denjë për artistët, ndaj ai theksoi se do të ndërtoi Teatrin e ri Kombëtar.
Me të drejtë e quaj ironizim të Ramës sepse këto pesë vite në pushtet ai ka pasur mundësi të komunikoj më Ndrenikën. I vetmi rast ishte kur ai e ftoi në kryeministri dhe mbajti një ligjëratë prej një ore dhe nuk e la të flasë asnjë fjalë.
Lexo edhe: Ndrenika ‘shpërthen’ ndaj Ramës: Mua më turpërove, por nuk je i përjetshëm
Gjithashtu, Rama deklaroi se Shqipëria ka mbetur i vetmi vend në Evropë dhe rajon pa një skenë dinjtoze Teatri.
“Shqipëria nuk e pati kurrë një godinë të denjë të Teatrit. Mbreti Zog e kishte në planet e tij, por nuk pati kohën në dispozicion. Regjimi Komunist e përfundoi në 1946 për të qenë vatra e Kulturës. Kjo përbën momentin estradës së Shqipërisë. Pastaj dihet si rrodhën gjërat dhe si Shqipëria ka mbetur i vetmi vend në Evropë dhe rajon pa një skenë të tillë të Teatrit. Të bëjmë pyetjen që duhet bërë sot. Kjo pyetje nuk është për të prishur apo ndërtuar këtë godinë.
Pyetja është se çfarë duhet bërë, kjo është pyetja e vërtetë. Çfarë duhet bërë për të mbushur gropat e mëdha që kanë lënë ikjet pa kthim të Kadri Roshit, Sulejman Pitarkës. Agim Qirajqit, Bujar Lakos e me radhë. Se kur e shoh sot Robert Ndrenikën në tryezat për të ardhmen e godinës, më shumë se çfarë mendon ai për godinën mua më pikëllon dukja e tij prej mojkani i fundit i një historie talentesh të mëdha dhe emocionesh të pafundme. Ndërkohë që sot nuk i shquan sot ku janë trashëgimtarët e fronit të Robert Ndrenikës apo të mbretërve dhe princave që nuk janë sot”- tha Rama.
