Kryeministri Edi Rama ka sulmuar PD-në por edhe LSI-në nga foltorja e Kuvendit, ku ka shpërthyer në akuza ndaj Bashës dhe Kryemadhit, të cilët i ironizoi duke i quajtur “motra dhe vëllai”.
Rama tha se Basha e mohoi marrëveshjen e 18 majit, pasi u trembna frëngjitë e Topallit dhe Patozit, e më pas ironizoi PD-LSI duke thënë se “nuk di kë të qaj më parë, vëllain apo motrën”.
“Edhe miku im Lulzim Basha këtu, pasi bëri një akt lidershipi në 18 maj, e mohoi se u tremb nga frëngjitë e Jozefinës dhe Patozit, u tremb nga ofiqarët e SHQUP dhe u kthye atje ku është më rehat atje ku është çdo njëri prej jush, tek çadra. E mohoi dhe ripohoi politikën shurdhe dhe qorre dhe ju ka katandisur juve në gjysma gjel. Miqtë e LSI ‘qetësinë dhe dashurinë’ e linjës së vjetër e kanë zëvendësuar me linjën e re në ‘llafazanëri’ dhe kjo është bërë ‘bir o Luli nënës kë të qajë më parë’ ty apo ‘motrën’?!. Kë të qash më parë, vëllain apo motrën, që halli i ka bërë bashkë nga ky dëgjohen thirrje bombastike se si të luftoj krimin dhe drogën”, tha Rama.
