Tre muaj pas arrestimit është liruar nga burgu i forti i Shijakut, Durim Keçi. Ai është prangosur nga policia me 11 tetor 2017 me kërkesë të autoriteteve italiane, pasi është dënuar me 9 vite burg për një sërë veprash penale. Arrestimi i tij u bë me qëllim ekstradimin drejt Italisë, por tre muaj më pas është liruar nga Gjykata e Apelit.
E ndërsa gjykata e Shkallës së Parë e la në burg, Apeli para dy ditësh mësohet se e ka pranuar kërkesën e avokatit mbrojtës të Keçit duke e liruar nga burgu, ndërsa hetimet do të vijojnë në gjendje të lirë. Mbetet që të shikohen se kush janë argumentet e Gjykatës së Apelit që kanë sjellë lirimin e trafikantit.
Durim Keçi, i njohur edhe si i ‘forti’ i Shijakut është dënuar nga Gjykata e Genovas me 9 vjet e 7 muaj e 22 ditë burg për veprat penale, “Dhunë, kërcënim”, ” Shkatërrim prone me pasoja të rënda”, “Trafikim të lëndëve narkotike“, ” Krime me armë kundër personit”, ” Pjesëmarrje në organizatë kriminale me qëllim trafikimin e lëndëve narkotike” dhe” Shfrytëzim prostitucioni”.
Ndërkohë më parë ishte Enkelejd Alibeaj që njoftoi se Durim Keçi nuk do të ektradohet në Itali, pasi sipas tij, ai ka mbështetjen e Ramës.
