Ditën e sotme skadon afati për dekretimin e Sandër Lleshajt si ministër i Brendshëm. Por, çfarë do të bëjë kryeministri Rama në rast se merr një «JO» të dytë nga Meta?
Sekretari i grupit parlamentar të PS-së, Ervin Bushati ka treguar se Metës nuk do t’i ndahet nga zyra emri i Sandër Lleshajt për dekretim. Deputeti socialist tha se në rast të një “JO”-je tjetër, Kreut të Shtetit mund t’i shkojë për herë të tretë i njëjti emër.
Bushati mohon krizën Qeveri-Presidencë, teksa e relativizon atë. Këto deklarata, deputeti i bëri në studion e emisionit “Politika Online” në Gazeta Shqiptare.
“Ka kohë deri në darkë. Tani po iki në zyrë”, tha Meta këtë të premte, teksa u pyet nga gazetarët nëse do e dekretojë Lleshajn si ministër të Brendshëm.
