Ka nisur procesi përgatitor për hapjen e negociatave për anëtarësim me Bashkimin Europian. Eurokomisioneri për Zgjerimin, Johannes Hahn dhe ambasadorja e BE-së në Tiranë, Romana Vlahutin ishin sot të pranishëm në një tryezë të përbashkët me kryeministrin Edi Rama dhe me ministrat e tij.
Në takim Rama deklaroi se askush nuk na pengon atë dhe qeverinë e tij që ta bëjë punën me cilësi.
Besoj që vendimi i marrë në një moment tejet kompleks për BE dhe në një proces intensiv ku sic dihet për arsye të dinamikave të brendshme të disa vendeve u desh një përpjekje e të gjithëve duke filluar nga komisioneri, të cilin e kam falenderuar edhe më parë. Ashtu sikundër edhe të gjithë ekipin e tij sëbashku me Mogerini dhe Presidentin e Komisionit Europian, që bënë të mundur arritjen e një zgjidhje pozitive që çliron procesin dhe duke përcaktuar një afat të qartë e bën përgjegjësinë tonë jo vetëm të plotë, por edhe të përcaktuar dhe të ndarë sipas të gjithë aspekteve të procesit në shpatullat e atyre që janë këtu të pranishëm, ministra, zv.ministra dhe sekretare.
