Kryeministri Edi Rama ka ftuar këdo që ka një ide apo projekt që ta paraqesë atë në dritaren “Nisma Ime” në platformën online “Për Shqipërinë që duam”.
Me anë të një postimi në Facebook, Rama ka publikuar edhe një video, ku paraqitet një demonstrim se si çdokush mund të prezantojë idenë apo nismën që ka për komunitetin, ndërsa sipas tij, qytetarët do marrin një përgjigje nga institucioni përkatës brenda 20 ditësh.
“MIRËMËNGJES ?
dhe ju uroj një ditë të mbarë me këtë tjetër demonstrim të thjeshtë se si, çdo anëtar i regjistruar i koalicionit qeverisës me qytetarët, mund të përdorë dritaren “Nisma Ime” në Platformën online “Për Shqipërinë që Duam”, për të fituar mbështetjen e nevojshme në realizimin e një ideje.
Kushdo që ka një projekt konkret apo dëshiron të ndërmarrë një nismë komunitare, mund ta ndajë atë direkt me qeverinë e Shqipërisë dhe brenda 20 ditësh do të marrë përgjigje nga institucioni përkatës, për mundësinë e mbështetjes së nismës kur ato vlerësohen të mundshme e me interes publik.
Për këto e plot të tjera që do t’i mësoni me një vizitë në Platformën online të Bashkëqeverisjes, mjafton të regjistroheni si pjesëtarë aktivë të Aleancës për Shqipërinë që duam në ëëë.shqiperiaqeduam.al”, shkruan Rama në Facebook.
