Kryeministri Edi Rama ka treguar në foltoren e Kuvendit përse nuk pranon t’i miratojë 8 kërkesat pa dialoguar më parë me studentët.
Rama iu referua propagandës së Kryemadhit, Bashës e pedagogu Qorrit, teksa tha që qëllimi është të acarohen studentët. Ndërsa më tej tha se pikat që studentët kërkojnë janë gati t’i plotësojnë një më një, por nuk kanë vetëm “çfarë”, por edhe “si”.
Po ashtu, kryeministri tha se treçereku i kërkesave nuk kanë lidhje me qeverinë, por me universitetin, ku ka humbur shpresa e studentëve.
Fjala e Ramës:
Çfarë fshihet pas asaj propagande të shfrenuar që investohet nga ndërmarrja e doktoreshës edhe nga SHQUP-i këtu dhe nga profesor Qorri, që në asnjë mënyrë dialog. Qëllimi që të mos zgjidhet që studentët të acarohen dhe të futen ën qorrsokakun që do kjo opozitë që kërcënon me destabilizim, çfarë fshihet?
Kjo është e pabluar. Kjo është arsyeja përse refuzoj që këto 8 pika t’i plotësoj sikur janë porosi për në dyqan. Në momentin që ne e themi këtë, gjithë makineria e manipulimit,
Pikat nuk janë vetëm çfarë, janë edhe si? Në momentin që do hymë te si-ja, makineria e manipulimit do hyjë në lëvizje. Nuk është momenti duam a s’duam që të bëhet pastrimi i universiteteve. Duhet ta diskutojmë këtë me studentët që këtë thamë dhe këtë bëmë, jo nga ballkoni. Ky është qëllimi, kam parë dje një video nga diskutimi i Fakultetit ekonomik që studentët kërkonin të binin dakord e të kishin konsensus për të hapur dialogun.
Studenti që fliste, një fantazmë e partisë së punës, doktor shkencash që doktoraturën e ka bërë me temën “Eficenca e kalit ne ekonomi”. Një personazh që e dija në botën tjetër dhe aq shumë u habita sa besova që më bënin sytë. Fytyra e mediokritetit dhe hipokrizisë dhe farsës së manipulimit. Iu flet studentëve me megafon dhe thotë pse s’duhet të flisni me kryeministrin.
Sot është ditë për t’u lutur që këta djaj me brirë të mos bëjnë më aq dëm saç kanë bërë në këto vite./ TIRANA TODAY
