Kryeministri Edi Rama deklaroi se Bashkimi Evropian nuk ka vendosur kushte të reja për Shqipërinë, por vetëm një datë për çeljen e negociatave.
Gjatë një takimi me kabinetin e tij qeveritar, Rama shpjegoi se ka një datë për çeljen e negociatave si një afat drejt të cilit që Shqipëria dhe Maqedonia janë të kushtëzuara për zbatimin dhe vijimin e reformave.
“Dy fjalë për kushtet e trumbetuara nga efendilerët; dështim që do vazhdojë të ushqejë propagandën e mllefit të baltës. Nuk ka kushtet të reja për të marrë datën e negociatave. Por ka një datë për çeljen e negociatave si një afat drejt të cilit që Shqipëria e Maqedonia janë të kushtëzuara me vijimin e reformave. Asgjë më normale se kjo s’mund të kishte dhe të ketë, ku gjithçka, deri në hapjen e negociatave është e lidhur me përmbushje kushtesh për të qenë një shtet i denjë për BE. Të gjitha kursimet e kësaj faze janë ato që duhet dhe do bënin, si me datë dhe pa datë. Si me datë dhe pa datë, vettingu do vazhdonte pa pushim dhe luhatje, si një rrugë e re dhe pa kthim. Si me datë dhe pa datë SPAK dhe BKH do ngriheshin. Kërkesa për të adresuar rekomandimet e OSBE/ODHIR, për zgjedhjet jo vetëm që na vjen dakord, pro na vjen si dhuratë. Opozita nuk do luaj më ‘kukafshehthi’”, pohoi Rama.
